Burgo das Nacións Aula Verde Biblioteca Deportes Informática Sociocultura
Informática | Burgo das Nacións: Comeza a carreira polo .gal

15 de xan. de 2012

Comeza a carreira polo .gal

Esta web apoia á iniciativa dun dominio galego propio (.gal) en Internet

Os enderezos das páxinas web teñen diferentes dominios, isto é, as letriñas que aparecen despois do punto ao final, como o .com, .org ou .net. A corporación encargada de gobernar os dominios é a ICANN, e ten a palabra para decidir que dominios acepta e cales rexeita. Pois ben, a ICANN acaba de abrir o prazo para que se presenten candidaturas a novos dominios, e entre eles está o noso, o .gal, o dominio para a lingua e cultura galegas.

A asociación Puntogal leva desde 2006 sumando esforzos e conta actualmente con 12.370 apoios individuais (se queres podes asinar tu tamén) e 109 apoios institucionais, entre os que se encontran a RAG, a Xunta e as tres universidades públicas. Todo para estar o mellor preparados para este momento, en que temos que demostrar á ICANN que realmente queremos o .gal.

Unha vez sexan recibidas todas as candidaturas (non somos os únicos, hai moitos máis, como o .eus, o .bzh, o .africa, o .p2p...) a ICANN analizará a viabilidade e necesidade de cada unha delas. Este proceso leva entre doce e dezaoito meses, que se poden ampliar se fose precisa información suplementaria. No mellor dos casos abriríase o rexistro dos .gal a mediados de 2013.

Fonte | http://www.puntogal.org/actualidade/nova.php?id=452&lg=gal